هل فعلا البنات كائنات تافهة وهايفة ورغاية ودماغها فاضية؟

اعتقاد أن البنات ما وراهاش حاجة غير الكلام فى الموضة وتسريحات الشعر والماكياج و مين عاكسنى ومين بصلى مين هايموت ويكلمنى .. وان فيه جزء منهم بيتوتى يعنى مالهوش غير فى شغل المطبخ والقعدة أمام التليفزيون وحفظ الاغانى والافلام.. ومين قال ايه ويقصد ولا مايقصدش .. طبعا أنا مابتكلمش عن المرأة المصرية لانى عارف انكم هتقولوا دى واخدة حقها تالت ومتلت وليها دور فى البرلمان وبقيت وزيرة وعضوة فى الاحزاب وكمان ممكن تخلع وتطلق زى ماهى عايزة.. لكن أنا بتكلم عن البنت المصرية اللى لسه مشافتش دنيا المرمطة واللى الكل بيبصلها على انها كائن ضعيف مسالم وممكن يستغل بسهولة ويسلم برضه بسهولة.. يعنى مش أكتر من انها سمكة ممكن اصطيادها بطعم مناسب وجذاب.. وبعدين شويها وأكلها بالهنا والشفا " احتمال " بس اللى أكيد ان مش كل البنات راكدين فى الميه ولو طلعوا منها يموتوا.. فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين .. ودول بنات ذكية وبتفهم, بيشوفوا من بعيد لبعيد وبيتعلموا من بعيد بدون مايقربوا للخط الاحمر.. بس للأسف الناس برضه بتبصلهم على انهم متحررين وعارفين اللى فيها وبتعتبر ذكائهم نوع تانى ممكن يستغل أسوأ استغلال علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم.. وفيه بنات بقى بتجيب من الاخر لانهم عارفين ان مهما عملوا ومهما راحوا موصومين بوصمة انهم بنات فى مجتمع الولد فيه هو بس اللى من حقه يعمل أى حاجة ويقول اللى هو عايزه من غير ماحد يعلق , والغريبة ان لسه فيه ناس لحد دلوقتى بتردد جملة " دا ولد وهو حر مفيش حاجة هاتضره " وانا بايد كدا .
أما البنت فلازم يقفولها على الوحدة ويراقبوا تصرفاتها وقالت ايه ولمين وكانت واقفة بتتكلم وهى بتضحك ولا وهى مكشرة ده باعتبار ان البنت لما تضحك أو تبتسم وهى بتتكلم تبقى خرجت عن حدود الادب وتبقى بترسم وبتعيش الدور.. ولو اتكلمت وهى مكشرة تبقى برضه بترسم دور الادب والبنت اللى عايشة حياتها جد.. وياما تحت السواهى دواهى وراء التكشيرة دى أكيد فيه مليون سر وسر.. أما بقى لو البنت هادية بطبعها أو رقيقة يبقى يا سلام على السهوكة والرسم اللى على تقيل ويبقى هما دول البنات اللى نافعة واللى بتحاول تمشى أمورها بالصوت الهادى والمياصة والسهوكة.. ايه فى ايه؟! خلاص خنقتونا لاكده عاجب ولاكده عاجب ساكتين وحشين بنتكلم برضه وحشين.. وفى الاخر هنفضل فى نظر الناس حبة بنات تافهة وهايفة مهما عملنا والحل الاكيد ان كل بنت تعيش زى ما هى عايزة وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفنا.. ومافيش أحسن من التنفيض وتكبير الدماغ للكل.. مش احنا بنات هايفة.. أوكى احنا راضيين بس ماحدش بقى يحاسبنا.. وأهى هيافة بهيافة.. المهم نعيش مبسوطين مش مقهورين.

تسلم ايديك يا ساره موضوع رائع
دومتى فى تقدم ان شاء الله

شكرا ليك حمدى بس ياريت ياجماعة الى يعلق على موضوع يقول رائية يهزر مش شكرا وخلاص

انا شاكة انك مش بنت يبنتى دفعى عنا مش حاربينا احنا اكتبى موضوع سمية شفتة عبط الرجالة هبل الصبيان تخلف الشبان كدا مش تفاهة البنات غلط كداهههههههههههههههههههههه

هى بتقول الحق البنات تافهين اما الصبيان العكس طبعا

يعم اعد ساكت دول الصبيان عبط اساسا الولة من دول ماشى وموقعلى البنطلون ومبقر نفسة كدا سبع البرومبة

علشان مزعلش حد المرة الجاية هجيب موضوع للرجالة علشان يبق كلة سواسية
كاسنان المشط وانت ياعم حمدى متخدش مقلب فى الرجالة لانهم اغلبيتهم وحشين
والكويسين يتعدوا على الايد وبلنسبة للبس بتاع الولاد هو روش وحلو بس مش يدى الهيبة للرجل
فلازم اللبس ميكونش اوفير اوى ولا عادى اوى الاعتدال حلو يعنى دلوقتى الولد لابس زى البنت

الاميرة ((مى)) كتب:: يعم اعد ساكت دول الصبيان عبط اساسا الولة من دول ماشى وموقعلى البنطلون ومبقر نفسة كدا سبع البرومبة

ما بلاش اصل البنات كلهم عبر الولاد بيسقطو البنطلون هما بقى بيباينو كل حاجه غير الهدوم الشفافه اوى زياده عن اللازوم

لالالالالالا
انت غلط فى البنات جامد
مش اسمحللك مانا ممكن اتكلم وقول الولاد بتعمل
اية مش توصل انك تتكلم على لبس البنات
بلطريقة دى وياريت منفتحش فى الموضوع علشان هيقلب خناقة
واحنا فى منتدى محترم ولا عايزنى اتكلم ها

عايزه تتكلمى اتكلمى ان مش بخاف انا الحمد لله انا مش نوع الولاد دول بس اللى بشوفه فى البنات
فاكلهم كدا معظمهم كدا

منهم مش منهم اهو انت ولد والسلام
والحسنة بتخص والسيئة بتعم

طيب اهدو يا جماعة ما فى ولاد محترمين وكويسين فى لبسهم وفى بردو بنات محترمين ولبسهم محترم بس المهم هما اية من جواهم

هو اة المظهر مهم بس برد

صح عندك حق يا سماح

شكرا يا حمدى

بس الناس ليهم الظاهر
بدل شافوا البنت لابسة وعاملة
تبقى وحشة ومش كويسة
ودى اوحش حاجة فى الشعب
المصرى

صح يا سارة هو الشعب المصرى كدا مش ميعرفش يقول معرفش لاء لازم يفتى شكرا يا ساره

اة ماحنا لو مفتناش منبقاش الشعب المصرى

صلو ع النبى يجماااعة مش كدة .....مش هنخسر بعض علشااااان البنطلون وقع ولا لسة .
سؤااااال بقاااا للانسة ساااارة.................:انتى هدفك اية م الموضوع ده ؟
يعنى عاوزة اية من الناس علشااان يقولو على البنااات
انا اهو .واااحد من النااااس بقول قداام الكل البناااات دى حاجة تافهة .....يبنتى فى ولاد انا اعرفهم شخصيااا
بينااامو كل يوم معيطين على المخدة علشااان خاطر بنت .ده كلام!!!!!!!!؟
انا عن نفسى اعرف بنوتة امورة اووووووووى بكلمها ع الايميل بتااعى كفاية شخصيتها مع انى مشوفتهااااش ولا اعرفها ..مقدرش اقول عليها غير انها اجمل وادب مخلوقة اتعرفت عليها بعد الحجة ام كلثوم...فالبناااااات فعلا شيىء تاافه لكن 2%بس اقدر اقول عليهم زينة الخلق كله...فيا بناااات اليومين دول نصيحة من عمور الامور.....خلو باااالكو انتو داخلين على عصر اسود الشباب مش بيرحم (سااافلة وقلة ادب )..وربنا يعلم هنوصل لبر الامااان ولا اية ؟؟؟؟؟؟؟؟؟

اقوللك ياعمور هدفى اية
انى اعرف الولاد
ميحكموش على البنت من منظرها
ياما فى بنات لابسة محترمة
وبردوا فى العكس
بس الى اعرفة اننا مظلموين
يابنى احنا ملايكة عايشين على الارض
ولا انت شايف اية

انتى ؟؟؟؟؟؟ هههههه ........والله بناااااااات حوا كلهم فى كفة وانتى ف كفة تانية خالص ...
انتى حيرتينى وجننتينى وهبلتينى وممكن دلوقتى اكتب وصيتى ......

بس انا هعمل اية غير انى اقول انك شيىء جميل لكن اكييييد مش زى الملايكة.
عمور الامور. Question

الله يخليك دايما
بتحرجنيى بزوقك