صاحب صاحبه

احب احكلكم حكايه صاحب و صاحبه يا ريت تسمعوها
ـــــــــــــــــــــــــــــــــــــــــــــــــــــــــــــــــــــــــــــــــــــ:
كان فيه واحد غنى جدا و واحد على قد حاله الغنى ضيع كل الفلوس وصرفها إلا محل واحد بس هو اللى اتبقى قابل الغنى صاحبه و حكاله على اللى حصله قاله انا هقف معاك فى المحل و رزقى ورزقك على الله قاله ماشى وتعبوا الاتنين وبقوا اغنيه وكل واحد فتح محل وقالوا لبعض اللى يحتاج التانى يرجعله والتانى يساعده و كل واحد شق طريقه

بعد مرور زمن صاحبه الفقير داقت بيه الدنيا ورجع للغنى وقص عليه القصه بتاعتوا قالو انا هساعدك
راحلو البيت اكلوا وشربوا وادالوا فلوس وهو فى البيت عندوا شاف صوره بنت حلوه قوى قالوا مين دى قالوا دى خطيبتى قالوا حلوه قوى قالوا انا مش عايزه متغلاش عليك جوزهالوا وعملوا فرح كبير ووقفواعلى رجليه من تانى

بعد مرور زمن الغنى داقت بيه الدنيا ورجع لصاحبه
راحله البيت قال للبواب ان فلان ده صاحبى و انا عايز اقابلوا قالوا استنه
راح البواب للفقير وقالو صاحبك تحت قاله قولو انى مش فاضى رجعله قاله هو مش فاضى وسبلك عشره جنيه
مشى صاحبه زعلان وبيكلم نفسه قابلوا فى الطريق راجل عجوز قالوا مالك يابنى قالوا مفيش قالوا قولى بس مالك فى ايه راح حكاله الحكايه

قال له العجوز انا معايه محل ومحتجلك تساعدنى وقف جنبه وفى يوم الصبح وهو بينظف قدام المحل لقى شنطه سوداء فيها فلوس كتير راح للعجوز وقالوا اللى حصل رد عليه وقالوا حلال عليك كون مستقبلك تانى من جديد
بعد مرور زمن وهو داخل البيت بتاعوا جريت عليه بنت حلوه قوى (فى منتهى الجمال)وقالتلوا الحقنى اهلى عايزين يجوزونى غصب عنى فعجبته فقال لها تتجوزينى قالتله ماشى فعمل فرحه وعزم صاحبه فى الفرح
فراح العريس قال {سلام كبير لصاحبى شريك عمرى اللى عشناها على الحلوه والمره اللى لما احتاجنى ساعدته واديتله فلوسى وخطيبتى يتجوزها ووقفت جانبه ولما احتجتله بعتلى عشره جنيه مع البواب ومرضيش يشوفنى }

فرد عليه صاحبه وقاله {سلام كبير قوى لصاحبى شريك عمرى اللى لما احتجتله ساعدنى وادانى فلوس وجوزنى خطيبته ووقف جانبى ولما احتاجنى بعتله عشره جنيه مع البواب بس بعتله ابويا يساعده واختى يتجوزها }................
ملحوظه : (مرضيش يطلعه الشقه علشان ميشفش خطيبته فى حضن صاحبه)
يا رب تنال اعجبكم وعايز الرد وبصراحه فى حد فى الزمن ده كده ؟..........

لله الله الله قصة جميلة جدا
مفتكرش ان يكون فية زى كدا دلوقتى
تسلم ايدك وان شاء الله فى تقدم مستمر

يسلمووووووووووووووووو